Podchraoladh GAP - Rud Spéisiúil Nua chun Éisteacht leis na Laethanta Seo
Orla Leahy (Eagarthóir Gaeilge)
San alt seo, cuireann Orla agallamh ar scoláire gnó agus Gaeilge agus bainisteoir an phodchraolta GAP, Ailbhe Fitzgerald. Is féidir le léitheoirí an podchraolta éisteacht leis ar Spotify. Féach ar Instagram GAP - @graduateattributesucc chun níos mó eolais a fháil.
Ailbhe, conas atá cúrsaí? Do scoláirí agus léitheoirí eile, cad is GAP (Graduate Attributes Programme), agus cén sórt obair a bhíonn á dhéanamh agaibh?
Dia is Muire dhuit, a Orla, go raibh maith agat as an agallamh seo a dhéanamh. Is iontach an rud é go gcloisfidh níos mó mac léinn faoin gClár iontach GAP anois. Is é sprioc an GAP cabhrú le mic léinn ar an athrú saoil acu go dtí an ollscoil, an taithí acu tríd an ollscoil agus ar deireadh a dtodhchaí tar éis dóibh imeacht leo as an ollscoil. Bíonn turas gach scoláire difriúil óna chéile. Tá roinnt luachanna agus tréithe éagsúla forbartha ag GAP, agus is féidir le gach mac léinn a fhorbairt le linn a gcuid ama i gColáiste na hOllscoile, Corcaigh.
Cé mhéad duine a bhíonn ar fhoireann GAP? Tá a fhios agam go bhfuair tú deis iontach a bheith i dintéirneach le GAP. Cén saghas deiseanna cosúil leis sin a bhíonn ann do scoláirí le GAP?
Tá triúr ball iontach ar fhoireann GAP – ár mbainisteoir Adel Coleman, Maggie O’Sullivan agus Clodagh O’Sullivan chomh maith. Bhí an t-ádh dearg orm a bheith i mo intéirneach mar mhac léinn ar an bhfoireann sin i mí Aibreáin seo caite.
Cuireann GAP go leor acmhainní éagsúla ar fáil do mhic léinn chun cabhrú leo ar a dturas ollscoile. I measc cuid de na tionscnaimh seo, bíonn Nurturing Bright Futures – clár ar líne do mhic léinn dara leibhéil chun cabhrú leo an cúrsa ceart a roghnú. Agus ar ndóigh ár dtionscnamh is déanaí - Your Compass – uirlis féinmheasúnaithe ar líne chun cabhrú le mic léinn reatha a gcuid luachanna agus tréithe a fhorbairt.
Bhíos ag éisteacht leis an bpodchraoladh nua le GAP le déanaí, is rud fíor-shuimiúil é. Conas a tháinig an smaoineamh don phodchraoladh chugaibh?
Is fiú éisteacht leis an bpodchraoladh iontach sin! Nuair a bhíos mar bhall nua den bhfhoireann i mí Aibreáin seo caite, phléigh Adel agus mé féin ardáin nua éagsúla a d’fhéadfaimis a úsáid chun teacht ar mhic léinn. Tá an-tóir ar phodchraoltaí le blianta beaga anuas agus cheap an bheirt againn go mbeadh podchraoladh ina thionscadal nua iontach againn!
Is fíor a rá go mbíonn roinnt buanna nasctha le GAP; Saoránach Éifeachtach Domhnach; Líofacht Dhigiteach; Freagracht Shóisialta; Mian; Cruaitheoirí, Meastóirí agus lucht Cumarsáide maidir le hEolas, agus; Seasmhacht. Cad é aidhm GAP leis na buanna seo, an mbeidh fís agaibh go mbeidh na buanna seo ag gach alumnus UCC?
Tá roinnt luachanna agus tréithe forbartha ag GAP a theastaíonn uainn a bheith ag mic léinn nuair a fhágann siad an ollscoil. Áirítear leis na luachanna agus na tréithe meas, uaillmhian, líofacht dhigiteach, cruthaitheoirí agus go leor eile. Ligeann ár n-uirlis nua Your Compass do mhic léinn a gcuid luachanna agus tréithe a thomhas agus iad a fhorbairt tuilleadh trí na hábhair uirlisí.
Clúdaíonn an podchraoladh na buanna a bhí liostáile agam sna heagráin. Cén saghas cainteoirí a bhí agat ar an bpodchraoladh do gach ceann de na buanna sin?
Bhí mic léinn againn ó gach cúlra agus disciplín éagsúil. Tá an podchraoladh lán le héagsúlacht! Bhí mic léinn againn ó chúrsaí eolaíochta, síceolaíochta, polaitíochta agus go leor eile chomh maith le mic léinn Erasmus agus mic léinn PhD. Is é an sprioc atá againn scéalta na mac léinn a phlé agus tús a chur leo, a muintearas, a bheith mar chuid den dturas acu.
An mbíonn tú ag baint úsáide as na háiseanna a bhíonn ar an gcampas nó cén saghas trealaimh a bhíonn agaibhse?
Tá stiúideo podchraoltaí iontach leabharlainne ag leabharlann Boole ina ndéanaimid taifeadadh ar ár gcuid gcláracha go léir. Is féidir le scoláirí an áit seo a chur in áirithe agus tá go leor acmhainní ann ar nós ceamaraí, micreafón agus soilse.
Tuigim go mbíonn a lán acmainní iontacha ag GAP, an Compass agus Nurturing Bright Futures ina measc. Má bhíonn am ag scoláire acmhainn amháin a bhaint úsáid as, cad a mholfá féin?
Mholfainn do mhic léinn reatha Your Compass a úsáid – is uirlis iontach féinmheasúnaithe ar líne é chun do chuid luachanna agus tréithe a thomhas. Tá deis ann, chomh maith, suaitheantas digiteach a fháil!
Cén fáth go molann tú an podchraoladh sin agus cad é an podchraoladh is oiriúnaí chun tosnú leis dear leat?
Tá na cláracha podchraolta an-spreagúil. Pléann go leor mac léinn na rudaí dearfacha ach ina theannta sin pléitear na dúshláin a bhí rompu san ollscoil. Measaim go bhfuil ardchaighdeán bainteach le gach clár.
Go raibh míle maith agat as d’am, a Ailbhe. Beidh mé ag tnúth leis an gcéad phodchraoladh eile!
